На седница на Влада, усвоена е Националната програма „2021 - Година во чест на Блаже Конески”.

Министрите во Владата на денешната седница ја разгледаа и прифатија Националната програма „2021 - Година во чест на Блаже Конески” и го задолжија Министерството за култура да ја координира реализацијата на оваа Националната програма, која оваа година е дел од календарот важни меѓународни јубилеи на УНЕСКО.

„На седницата на Владата е донесен заклучок со кој се укажува на Народна Банка на Северна Македонија во рок од 5 дена до Владата на Северна Македонија да достави предлог одлука за изработка на пригодни ковани пари, по повод „2021 - Година во чест на Блаже Конески”“, информираат од Владата. 

Министерството за култура, Министерството за образование и наука и Министерството за надворешни работи се задолжени да ги реализираат активностите содржани во Националната програма кои се од нивна надлежност, а на останатите институции и установи вклучени во Националната програма „2021 - Година во чест на Блаже Конески” им се укажува навремено и квалитетно да ги реализираат содржините наведени во националната програма, согласно предвидената динамика и да ги финансираат во рамки на сопствените Буџети.

Блаже Конески (Небрегово, 19 декември1921 – Скопје, 7 декември1993) е истакнат македонски книжевен, академик, поет, прозаист, есеист, книжевен историчар, филолог и јазичар, преведувач и професор на Филозофскиот факултет во Скопје. Тој бил и еден од кодификаторите на современиот македонски литературен јазик и значајна личност во македонската книжевност.

фото Википедија