Доколку Грција не ги исполни своите обврски тогаш нема да важат измените на Уставот односно нема да стапат на сила и автоматски ќе се поништат. Ова го кажа премиерот Зоран Заев на првата јавна  дебата за четирите нацрт-уставни амандмани во Владата на Република Македонија .

При презентирањето на предлозите и забелешките од страна на експертите од научната јавност и невладиниот сектор од страна на првиот човек на владата беше кажано дека остои отвореност и позитивни размислувања за прифаќање на одредени предлози изнесени на собраниската Комисија и на пленараната седница.

Заев исто така  посочи дека  амандманите нема да станат дел од Уставот доколку Грција не го усвои Договорот од Преспа и Протоколот за зачленување на Македонија во НАТО.

Во текот на денешниот ден ќе се случи втората јавна дискусија за уставните измени а местото на одржување е Универзитетот ФОН.

Според најавеното говорници ќе бидат и ректорот на Универзитетот Нано Ружин и универзитетскиот професор Темелко Ристовски, додека дискусијата ќе ја отвори и воведе деканката на Правниот факултет, Сејдефа Џафче.