Уставниот суд претпладнево не им дозволи на новинарите да земат изјави по завршување на средбата помеѓу претседателот на судот, Сали Мурати и амбасадорот на ЕУ, Самуел Жбогар. Засега јавноста останува без одговор за тоа која е темата на средбата. 

На претставниците на медиумите им беше речено дека отчет за средбата може да се побара само надвор од зградата, но не и онаму каде што ќе се одржува средбата.

Интересот на јавноста за тоа што ќе се разговара на средбата е со посебно внимание, особено откако Мурати по неговото назначување за претседател на Уставниот суд, досега имаше средби со амбасадорот на Сојузна Република Германија, Томас Герберих и со францускиот амбасадор, Кристијан Тимоние.

Уставниот суд во периодов е актуелен по иницијативата за преиспитување на уставноста на поништувањето на помилувањата од поранешниот претседател Иванов.