Во амбиентот на сопствените нови простории, ВФП Фонд Менаџмент успешно го организираше својот прв инвестициски панел за 2024 година на кој беа претставени клучните настани од 2023 година, како и очекувањата и прогнозите за 2024 година.

Панелот беше одбележан со дискусија за инфлацијата, ефектите на глобалните економски настани врз заштедите и извонредните резултати на инвестициските фондови управувани од ВФП Фонд Менаџмент.

Говорници на настанот беа Марио Ѓорѓиев, CFA - Претседател на управниот одбор на ВФП Пензиски Друштво, Андријана Поповска - Извршен директор на ВФП Фонд Менаџмент, Драган Наумов - Портфолио Менаџер, и Ивана Ташковска, Раководител на сектор за инвестирање. А свое обраќање имаше и MAG. Rupert Strobl, Главниот извршен Директор на оваа австриска групација, кој го истакна своето задоволство од работењето на ВФП Фонд Менаџмент во Македонија и од перформансите и спроведувањето на инвестициската политика во инвестициските фондови во Македонија.

Клучните моменти вклучуваа детален преглед на годишните приноси на инвестициските фондови, кои покажаа извонредна отпорност и успех во заштитата и оплодувањето на вредноста на инвестираните средства дури и во услови на висока инфлација и глобални економски потреси. Дискусиите исто така се фокусираа на стратегиите за заштеда и инвестирање во контекст на очекуваните економски промени во 2024 година, како и на значењето и безбедноста на Македонските обврзници како атрактивен инвестициски инструмент.

Настанот беше исклучителна прилика за гледачите да се запознаат со најновите трендови и стратегии во инвестирањето, и да ги разберат комплексните влијанија на глобалните настани врз локалните и меѓународни пазари. Со ова, ВФП Фонд Менаџмент ја потврди својата посветеност кон промовирање на транспарентност, иновација и одржлив раст во секторот за инвестирање.

За повеќе информации и увид во деталните дискусии и презентации, ве покануваме да го погледнете целосното видео од настанот: