УСОГЛАСУВАЊЕТО НА БИХАЌКА И БЕЛАТА ПАЛАТА ЗА МАКЕДОНСКИОТ ИДЕНТИТЕТ ЗАВИСНО ОД СРПСКИОТ СВЕТ Е ПРЕСРЕТНАТО ВО ЕП“: Величковски со остра критика
Напишаното од поранешниот министер за надворешни работи, г. Османи го доживувам како потврда на ставот што го изнесов вчера: дека (накратко) министрите за надворешни и премиерите - Македонци ги воведоа идентитетските прашања во теми кои воопшто не се занимаваа(т) со идентитетот на македонскиот народ:
- во 1990-тите се до Преспанскиот договор, во спорот со Атина и сега
- во нашата актуелна самоблокада кон Брисел низ неспроведувањето на Преговарачката рамка што ја прифативме како држава.
Ова го напиша лидерот на Либерална паритја, Ивон Величковски на социјалните мрежи каде испрати посебна порака поврзана со името на нашата земја.
Тој се осврна со остра критика кон најголемите политички партии во кои членоваат најголем дел од македонските етнички граѓани.
На, некој начин, неговата објава е и одбрана на поранешниот министер за надворешни Бујар Османи, кој деновиве е под напад од Владата, но и други општествени критичари, како еден од главните виновници за уназадување на нашата позиција во преговорите со Европската унија, но и силна критика кон најголемите политички партии во земјава и нивната политика изминативе години.
Истовремено и Величковски направи паралела меѓу најбитното прашања за нашата земја и новонајавениот данок за немажени и неженети.
- Станаа сосем проѕирни:
- патетичните обиди на ВМРО-ДПМНЕ минатиот месец на Османи како Албанец да му се префрла за постигнувањето на самата Преговарачка рамка - јасниот пат за полноправното членство на РСМ во ЕУ, како и
- незаинтересираноста на СДСМ за уставните амандмани и доследност кон евроинтеграциите.
Усогласувањето на „Бихаќка“ и „Белата палата“ за одржувањето на македонскиот идентитет во зависност од „српскиот свет“ - е пресретнато од конзервативците, социјалистите и либералите во ЕП со заеднички однос по амандманите за кои ВМРО-ДПМНЕ и СДСМ лобираа во своите европски сестрински афилијации. И за тоа не им е виновен ниту Османи ниту Албанците.
Откако играта на ВМРО-ДПМНЕ и СДСМ беше презрена во Брисел, таа за еден ден падна и во Скопје: партиите и медиумите не успеаа Извештајот да го проектираат во причина за дистанцирање на Скопје од ЕУ.
Затоа денес ниту тие ниту нивните ботови на социјалните мрежи не смеат да зборнат за Извештајот - и се префрлија на „оданочувањето на беќарите“.
Има ли подобар приказ за капитулацијата на партиите и олигархијата на југословенско Скопје? - пишува Величковски.
Слично
Поврзани вести
