На булеварот „Гоце Делчев“ во Скопје во тешка сообраќајна несреќа усмртен е велосипедист на самото место,а возачот излеголод автомобилот и избегал со трчање.

„Денеска (03.11.2025) околу 12.30 часот во СВР Скопје е пријавено дека на бул. „Гоце Делчев“ во Скопје се случила сообраќајна несреќа во која учествувале патничко возило „пасат“ со скопски регистерски ознаки, управувано од машко лице и велосипедист, кој починал на местото на настанот. По несреќата, возачот на возилото „пасат“ го оставил возилото и заминал од местото на настанот“ соопшти МВР.

Во тек е увид и се преземаат мерки за пронаоѓање на возачот. Поради несреќата сообраќајот е пренасочен.

И вчера возач избега од местото на кое прегази 79-годишна жена која заврши во болница со тешки повреди. Полицијата синоќа соопшти дека го фатила возачот кој бегал накај Средно Водно.