Од Министерството за внатрешни работи за потврдија дека поранешниот министер за здравство, Венко Филипче ќе има лично обезбедување иако веќе не е министер за здравство. Во изјава за Фокус оттаму појаснуваат дека членови на владата може да имаат обезбедување и по престанокот на функцијата според направена безбедносна проценка.

-Обезбедувањето на личностите е регулирано со Уредбата за личностите и објектите што се обезбедуваат, видовите на мерки и активности и степените на обезбедување врз основа на која Министерството за внатрешни работи во рамките на својата надлежност презема мерки и активности за обезбедување на највисоките претставници на органите на државна власт.

Филипче за Фокус вели дека не е точно дека имал смртни закани, но потврдува дека ќе има обезбедување.

-Не е вистина дека сум имал закани по живот, ниту дека сум барал обезбедување и возач. Обезбедувањето ми е продолжено според проценка на Агенцијата за национална безбедност (АНБ) на уште шест месеци, вели Филипче за Фокус.