Министерството за внатрешни работи се уште нема поднесено кривична пријава против четириесет и тригодишниот А.А. од Скопје, родител на фудбалерот од ФК Шкупи, кој вчера на крај на натпреварот со ФК Брегалница нападна двајца фудбалери од штипскиот клуб.

„Известен е обвинител и дадени се насоки за расчистување на настанот. До овој момент не е поднесена кривична пријава“, велат од Обвинителството за Фактор.

МВР вчера соопшти дека родителот тепач на малолетници бил пријавен и дека ќе се поднесе соодветна кривична пријава.

Случајот денеска ќе го расчистува и Фудбалската федерација на Македонија. Од таму за Фактор велат дека денеска ќе падне одлуката, каква постапка ќе биде поведена против ФК Шкупи. Дали ќе има постапка и против фудбалерот, не се знае.

Петнаесетгодишните фудбалери, кај кои се констатирани лесни телесни повреди - едниот скршеници на носот, а другиот повреди на ногата, вчера беа однесени во штипската болница, по што се пуштени на домашно лекување.

Александар Тодески 

ПОВРЗАНО:

Родител на фудбалер од „Шкупи“ ги нападнал малолетните фудбалери од „Брегалница“: Детали од МВР за инцидентот во Штип

ФК Брегалница го осуди нападот врз нивните фудбалери: Апелира до институциите случајот да биде професионално решен

ВИДЕО: ДВЕ ДЕЦА СЕ ВО БОЛНИЦА: Инцидент по натпреварот на младинските екипи на Брегалница и Шукпи