17 октомври , недела е датумот кога ќе се одржат локалните избори. Во сабота гласаат болните и немоќни, ковид болните и оние во самоизолација, затвореници и лицата во старечки домови.

Уште неколку дена до недела имаат време партиите да ги убедат граѓаните зошто да го дадат гласот токму за нивниот кандидат за градоначалник.

Досега европската агенда и решавање на разноразни проблеми , но и заострена реторика слушавме на митингувањата на партиите.

Заев и СДСМ и на последниот митинг убедени во победа им порачуваат на опонентите дека ВМРО ДПМНЕ ќе ги изгуби изборите по седми пат.

Од партијата на Христијан Мицкоски пак не се предаваат. Пораки за борба против како што потенцираа од митингот во главниот град корумпираната власт. Ги повикаа граѓаните да гласаат за нивните кандидати со ветување „ќе создадеме нова иднина, или ќе продолжиме со назадување, со лажни надежи, поделби и апатија“.