За неколку дена уште еден случај на повреда од заталкан куршум, а овој пат погодена е жена на возраст од 69 години ранета во левата натколеница, по што и е направена операција, соопшти полицијата.

Имено, дежурен лекар од Клиничкиот центар во Тетово пријавил дека кај нив е донесена жена со повреда здобиена од огнено оружје.

Од извршениот разговор со повредената, истата изјавила дека истиот ден околу 22.30 часот откако излегла од домот и се упатила кон куќата на нејзиниот брат, најпрво слушнала истрел од огнено оружје, кој доаѓал од непознат правец, а потоа почувствувала болка во пределот на левата надколеница, по што паднала на тротоарот пред куќата сопственост на А.Џ. и со приватно возило била пренесена во Клиничкиот центар – Тетово.

Увид на местото на настанот извршила увидна екипа од СВР-Тетово и се преземаат мерки за целосно расчистување на случајот.