УПОЗ бара обезбедување за јавната администрација, по нападот на службеничка во Прилеп
Синдикатот на јавната администрација УПОЗ побара обезбедување за работниците, откако вчера беше објавено дека е пукано кон службеничка во Прилеп.
Маж на возраст од 50 години пукаше и рани вработена во прилепскиот Центар за социјални работи. Пукањето се случило во Центарот за социјални работи нешто пред 14 часот. Напаѓачот избегал од психијатриска установа, но и претходно ја демнел.
„Со години нанзад Синдикатот на УПОЗ укажуваше дека безбедноста на вработените во Меѓуопштинските центри за социјални работи е непостоечка и дека условите за работа се катастрофални.
Вчерашниот случај за обид на убиство на вработена во Центарот за социјална работа Прилеп, е кулминација на сите вербални и физички напади кои ги трпат вработените во центрите за социјална работа“, реагираат од УПОЗ.
Од таму најавуваат и симболичен протест
„Крајно време е да се слушнат барањата на вработените. Утре во 13:00 часот, вработените од сите центри за социјална работа ќе излезат на краток протест за да ги изразат револтот и загриженоста за безбедноста на нивните животи на работните места“, се додава во соопштението на УПОЗ.
Слично
Поврзани вести
