УНИ Банка ќе им исплати камата во висина од пет проценти на сите сопственици на перпетуалната обврзница од втората емисија, соопшти банката преку Македонска берза. 

- Ве известуваме дека Универзална Инвестициона Банка АД Скопје ќе изврши исплата на полугодишна камата по каматна стапка 5% на годишно ниво на имателите на перпетуални обврзници од втората емисија со ИСИН MKBLBA200029 и шифра UNIPO2.

Исплатата на камата ќе се изврши на 2-ри Март 2026 година.

Право на исплата на камата имаат лицата кои се регистрирани во книгата на иматели на перпетуални обврзници во Централниот депозитар за хартии од вредност заклучно со 28-ми Февруари 2026 година - се наведува во нивната објава. 

Од УНИ Банка исто така имаат објаснување и за тргувањето кое треба да се спроведе во следните денови. 

- Тргувањето со обврзниците во деновите 26-ти и 27-ми Февруари 2026 година ќе се реализира со пресметана акумулирана камата, при што купувачот при порамнувањето на 2-ри и 3-ти Март 2026 година ќе треба да му го уплати износот на чистата цена + акумулираната камата на продавачот. 

При тоа, купувачите ќе бидат регистрирани во книгата на иматели на перпетуални обврзници во Централниот депозитар за хартии од вредност на 2-ри и 3-ти Март 2026 година, соодветно и нема да остварат право на исплата на полугодишната камата - се појаснува во соопштението.