Бугарскиот претседател Румен Радев во интервју за германски медиум, пренесено од повеќе регионални редакции, порача дека сака „што е можно поскоро“ да ја види Северна Македонија во Европската Унија(ЕУ), но истовремено повтори дека според европскиот компромис од јули 2022 година, напредокот е врзан со уставни измени и внесување на Бугарите во преамбулата, па дури потоа отворање на следните чекори во преговорите.

Таа линија, всушност, не е нова: официјалната позиција на бугарските институции со месеци инсистира дека „брзината“ не смее да оди на сметка на правата и безбедноста на бугарската заедница во земјата и дека уставното решение е клучната брава што треба да се отклучи за да продолжи процесот. Во бугарската аргументација, ова не е „дополнителен услов“, туку составен дел од рамката што ја прифатија земјите членки на ЕУ во 2022 година и што денес се третира како европски договор, а не како билатерален каприц.

Според него, Украина сè уште има работа пред да се приклучи кон ЕУ и не треба да го заборават Западен Балкан. 

Додаде дека Украина и нејзините граѓани заслужуваат поддршка во ова исклучително тешко време за нив, но членството во ЕУ бара исполнување на Копенхашките критериуми. Радев вели дека земјите од Западен Балкан чекаат со децении и спроведуваат тешки реформи во економијата, администрацијата и владеењето на правото. 

фото Фејсбук/Румен Радев