Управата за хидрометеоролошки работи објави предупредување до граѓаните на Македонија за нов топол бран кој ќе ја зафати земјата од средниата на следната недела.

- Под влијание на топла воздушна маса од југ до средината на следната седмица времето ќе биде сончево и многу топло со мала до умерена локална облачност. 

Дневната температура насекаде ќе биде над 30 степени целзиусови, а наместа ќе достигне и до 39 степени. Високите температури ќе се задржат и во текот на ноќните часови - се посочува во објавата на УХМР. 

Од УХМР објавија и детали за движењето на температурите, од каде може да се види дека ќе има големи разлики меѓу утринските и дневните температури.