Учењето странски јазици е гаранција за успех и напредок во професијата и поголема конкуренција на пазарот на трудот. Во време кога повеќето луѓе добро го говорат англискиот јазик, не е на одмет да се научи и втор јазик, било да е тоа германски, француски, италијански, шпански. Германскиот јазик се препорачува да се научи затоа што Германија е моќна економија и како таква нуди многу можности за вработување. Шпанскиот јазик е добро да се научи бидејќи покрај Шпанија се говори во земјите од Латинска Америка. Кинескиот и рускиот јазик е добро да ги владеете поради добрите бизнис прилики и можности за увоз-извоз. Францускиот јазик со 32 отсто е најизучуваниот јазик кај децата во Европската Унија и има повеќе од 650 милиони говорители. Италијанскиот јазик припаѓа на романската група јазици и него го зборуваат околу 70 милиони луѓе, од кои најголемиот дел живеат во Италија, Сан Марино и Швајцарија. Според истражување направено во САД, вработените кои зборуваат повеќе странски јазици заработуваат 7.000 долари повеќе од своите колеги.