Подофицерката Јасмина Дуриќ, која учествуваше на протести на „Шарената револуција” доби отказ. 

Таа повеќе не е повеќе вработена во Министерството за одбрана.

Во изјава за 24 Вести, вели дека отказот официјално не го добила на домашна адреса,  но нема плата, ниту социјално и здравствено осигурување, иако неколку месеци  била  на боледување. Правдата ќе ја бара на суд и ќе го тужи Министерството за одбрана. 

Дуриќ смета дека причината за отказот е нејзината отворена поддршка и учество во протестите на „Шарената револуција“. Претходно Дуриќ беше прекомандувана од позицијата референт за логистика во Министерството за одбрана во Скопје, и префрлена на позицијата командир на магацинот за храна во касарната во Кичево.