Полициски службеници од ОВР - Прилеп и од полициската станица за граничен надзор - Старавина вчера го лишиле од слобода Г.К., на возраст од 54 години од селото Штавица, поради сомнение дека предизвикал пожар.

- Околу девет часот, тој запалил сува трева во дворното место од неговата куќа, по што пожарот се проширил на соседните парцели. Г.К. бил затекнат од полициски службеници при гаснење на пожарот и во службен разговор, го признал делото, соопшти МВР.

Пожарот бил изгаснат од полициските службеници, а повредени лица нема. Увид бил извршен, а лицето било приведено во полициска станица. По целосно документирање на случајот, против него ќе биде поднесена пријава за сторено кривично дело „предизвикување општа опасност“.