УАПСЕНИ ПИРОМАНИ ОД ДЕБАР - три лица предизвикале пожар во Градскиот парк
Двајца жители на Дебар се приведени поради предизвикување пожар, објави Министерството за внатрешни работи, од каде најавуваат и соодветна пријава.
- На 12.09.2025 во 21:30 и во 23:15 часот во Дебар, полициски службеници од Полициската станица Дебар ги лишија од слобода М.Ф.(41) и А.Р.(38), двајцата од Дебар. Тие се сомничат дека заедно со уште едно лице околу 19:30 часот предизвикале пожар на стрниште во Градскиот парк во Дебар.
За настанот е известен јавен обвинител и се преземаат интензивни мерки за пронаоѓање на третото лице. По целосно расчистување и документирање на случајот, ќе биде поднесена соодветна пријава по член 288 од Кривичниот законик - појаснуваат во објавата од МВР.
Слично
Поврзани вести
