Уапсената докторка од Битола примила поткуп од 100 евра
Обвинителството денес извести дека 67-годишната докторка офталмолог од битолската болница „Трифун Пановски“ е уапсена за поткуп од 100 евра.
„Осомничената, доктор – офталмолог при ЈЗУ Клиничка болница „Д-р Трифун Пановски“ Битола, побарала од лице од ресенско подарок во износ од сто евра за да изврши службено дејствие кое што секако би морала да го изврши, односно да изведе операција – отстранување на катаракта кај сопругата на пријавителот.
На 16 јули, таа го повикала пријавителот на одделението за офталмологија во болницата за да ги земе парите и да закажат операцијa. Тој и дал една банкнота од 100 евра која претходно била обележана, па веднаш откако осомничената ги примила парите полициски службеници извршиле претрес и кај неа ги пронашле парите.
Ценејќи ги сите околности во предметот и законските основи, јавниот обвинител до судијата на претходна постапка достави предлог за определување мерка куќен притвор за осомничената“, извести Обвинителството.
Полицијата извести дека е лишена од слобода И.Д.(67) од Битола, вработена во Клиничка болница Битола поради сомнение за сторено кривично дело „примање поткуп".
„Имено, по претходно добиени оперативни сознанија и пријавен настан во СВР Битола истиот ден, од страна на полициските службеници извршен е претрес во службените простории кои ги користи И.Д., како и личен претрес врз неа, при што беа пронајдени пари кои потекнуваат од кривичното дело. СВР Битола, до Основното јавно обвинителство, против И.Д. поднесе кривична пријава“, соопшти полицијата.
Претходно Министерството за здравство ја осуди постапката и итно ја суспендира
осомничената лекарка се додека трае истрагата, а менаџментот на ЈЗУ Клиничка
болница-Битола искажа загриженост и побара истражните органи транспарентно и
законито да постапуваат во овој случај.
Слично
Поврзани вести
