Уапсен тинејџер кој со „голф“ усмртил малолетничка во скопско
МВР објави дека е лишен од слобода тинејџер кој како возач на „голф“ учествувал во сообраќајната несреќа во скопско каде загина малолетничка.
Возачот бил од Студеничани, а сообрачајната несреќа помеѓу две возила се случила на локалниот пат во скопско помеѓу Патишка река и Осиничани.
Покрај починатото малолетно лице, во Комлексот клиники „Мајка тереза“ завршиле четири повредени лица, меѓу кои и самиот 19-годишен тинејџер.
„На 06.04.2025 околу 17.20 часот во СВР Скопје било пријавено дека на локалниот пат с.Патишка река - с.Осинчани, скопско, се случила сообраќајна несреќа помеѓу патничко возило „фолксваген голф“ со скопски регистарски ознаки, управувано од У.О.(19) од с.Студеничани, скопско и патничко возило „мерцедес“ со скопски регистарски ознаки, управувано од Ф.А.(29) од Скопје. Во несреќата со тешки телесни повреди се здобила малолетна сопатничка од патничкото возило „мерцедес“, која била пренесена во Градската општа болница „Св.Наум Охридски“, каде починала. Лекар констатирал смрт, а по наредба на јавен обвинител телото на починатата е предадено на обдукција“, извести полицијата.
Со телесни повреди се здобиле возачот Ф.А., сопатничката Р.А.(24) и уште една малолетна сопатничка, двете од Скопје, констатирани во Градската општа болница „Св.Наум Охридски“, како и возачот У.О., констатирани во Комплексот клиники „Мајка Тереза“.
Извршен бил увид од јавен обвинител и увидна екипа од СВР Скопје, а У.О. бил лишен од слобода по член 300 став 2, а во врска со член 297 став 1 од Кривичниот законик, По целосно документирање на случајот ќе следува соодветна пријава.
Слично
Поврзани вести
