Обвинителството за гонење на организиран криминал, во содејство со МВР и Финансиската полиција, се спроведува акција на повеќе локации, се вршат претреси, а во рамките на оваа акција е приведен Илчо Ѓорѓиоски, како поранешен претседател на Фудбалската федерација на Македонија (ФФМ).

Заедно со него е приведена и Олгица Младеновска, задолжена за финансиии за време на неговиот мандат, како и уште десетина други лица, кои се сомничат за финансиски малверзации со кои бил оштетен буџетот на Куќата на фудбалот.

Ова е нов голем шок, поради тоа што во кус период и втор поранешен предводник на македонскиот фудбал е притворен поради сериозни обвинувања за финансиски криминал. Пред нешто помалку од два месеци притворен беше Муамед Сејдини, обвинет за проневера на 700.000 евра, донација од УЕФА за изградба на трибина на стадионот во Охрид.