Централната банка на Турција вчера ги зголеми каматните стапки на 15 отсто, но денеска повторно се намалува вредноста на турската лира. 

Како што се јавуваат тамошните медиуми, турската лира ослабе за дури 2,8 отсто, на ново рекордно ниско ниво, продолжувајќи ги загубите откако централната банка вчера ги зголеми каматните стапки.

Последен пат со валутата се тргуваше за 1,3 отсто послабо во однос на четвртокот. На најниската точка од 25,59, таа беше речиси 27 отсто послаба во однос на американската валута оваа година.

Централната банка вчера ги зголеми каматните стапки на 15 отсто и најави дека ќе оди понатаму, на првиот состанок под новиот гувернер Хафез Гаје Еркан, кој беше назначен од Ердоган по неговата изборна победа минатиот месец.

1 United States Dollar is now worth over 25 Turkish lira. $USD $TRY pic.twitter.com/IF2wjpXwI8

— Information Worldwide (@InfoEarthwide) June 23, 2023

Потегот означи пресврт од долгогодишното монетарно олеснување со кое беше намалена еднонеделната референтна каматна стапка на 8,5 отсто од 19 отсто во 2021 година, во неортодоксна политика што се водеше и покрај зголемената инфлација.

Просечната проценка во анкетата на Ројтерс беше каматната стапка да се зголеми на 21 процент, а аналитичарите велат дека помалиот пораст покажува дека Еркан можеби има ограничен простор за агресивно справување со инфлацијата под надзор на Ердоган.

Фото: Принтскрин/ Твитер