Труење со храна во Леар - работниците хоспитализирани во тетовската и гостиварската болница
220 работници од фабриката Леар во технолошко развојната зона кај Тетово ноќеска се пожалиле на симптоми на труење и се примени во болниците во Тетово и Гостивар.
Тие во 4:40 минути по полноќ се примени во болниците, откако во 1 часот по полноќ вечерале во мензата на фабриката.
По околу 2 часа од вкупно 264 работници колку што биле на работа, кај 220 од нив се појавиле првите симптоми на труење од храна – повраќање, болки во стомакот, вртоглавица и слично.
Екипи на полицијата извршиле увид во фабриката при што зеле примероци од храната и други траги за вештачење. Тие работат на целосно расчистување на случајот.
Во моментот пред болницата има зголемено полициско обезбедување.
Слично
Поврзани вести
