Познатиот македонски бизнисмен Трифун Костовски одмара во Преспа. Тој денеска објави фотографија на која ја наведе и локацијата. Со другарот од детството, Љубиша Георгиевски – Цили, сликани се на една од најпознатите плажи на Преспанското Езеро.  

Во една постара објава на Фејсбук, Костовски раскажува дека другарувањето со Цили им е почнато во далечната 1963-1964 година во гимназијата Јосип Броз Тито.

Бевме во две различни паралелки и паметам дека меѓу нас постоеше голем фудбалски ривалитет, кој всушност беше и натпреварувачки дух развиен меѓу класовите. Објективно, тие беа подобри, а ние почесто губевме. Цили, со афинитет кон природните науки, се запиша на Градежен факултет и во својата струка е еден од врвните експерти чие знаење е имплементирано во многу објекти во Македонија, а посебно во Сочи, бившиот Советски Сојуз.
Причината што не делевме иста животна судбина не нè раздели и останавме пријатели полни шест децении, рече тогаш Костовски за Цили.