Претседателот на бугарската партија „Има таков народ“, Слави Трифонов денеска со нов статус го нападна бугарскиот премиер, Кирил Петков.

Петков му ветил на еврокомесарот Оливер Вархеји дека ќе го тргне ветото за Македонија за почеток на пристапни преговори со Европската унија (ЕУ), а притоа сакал да направи отстапки за македонскиот јазик.

„Денеска имаше седница на Народното собрание. Голата вистина излезе на виделина. Премиерот на Бугарија сакал да изврши национално предавство. Предство кон Бугарија и Бугарите. Сакал да го тргне ветото без Северна Македонија да ги исполни условите. Исто така, Кирил Петков и Весела Чернева обезбедиле отстапки за правата на Бугарите во Северна Македонија и отстапки за т.н. ‘македонски јазик’“, објави Трифонов.

Бугарскиот министер за спорт во оставка Радостин Василев вели дека Трифонов ги повлекол министрите за да може да краде, а Македонија е измислена приказна. Додаде дека Слави Трифонов никогаш не го интересирало мислењето на гласачите, на неговите пратеници.