Веднаш да се врати ветото за прием на Македонија во ЕУ, бара лидерот на Има таков народ, Слави Трифонов. 

Тој го коментира вчерашниот инцидент кој се случи во Струга. 

„Додека во Бугарија срамно политичко мнозинство и срамна политичка влада се обидуваат да функционираат, во Северна Македонија друг Бугарин беше претепан. Ќе кажам „Северномакедонец со бугарска самосвест“, но самото излагање на овие зборови ме прават да се згрозам, се срамам. Интересно е што партиите кои го сочинуваат срамното политичко мнозинство во моментов во Бугарија заедно гласаа да се откажат од ветото за членството на Северна Македонија во Европската Унија. Очигледно тогаш се роди нивното политичко единство. А тие се виновни што моментално во Северна Македонија палат, демолираат и тепаат Бугари, а оваа работа нема да престане со декларации во парламентот, политички муабети и меѓусебни обвинувања“, истакна Трифонов.

МВР брзо и ефикасно го расчисти случајот со нападот на копретседателот на бугарскиот клуб „Шемето“, Бекир Кадриески, во Струга, но има спротивставени мислења во врска со мотивите, информира министерот за внатрешни работи Оливер Спасовски. Тој изјави дека пријавата и земањето на изјавата од оштетениот се одвиваше во медицинскиот центар. Известен е јавниот обвинител и по прибирањето на сите материјални докази, ќе бидат поднесени пријави.

МНР повикува Софија да не брза со оценка на инцидентот во Струга.