Вчера три пожари беа регистрирани на подрачјето на Куманово, информираа денеска од Територијалната противпожарна единица.

Пожарникарите интервенирале на пожар кој избувнал под Спомен-костурницата од 20.25 до 21 часот, а во акцијата било употребено едно противпожарно возило.

Вчера во два наврата горела сува трева и стрниште во месноста Багрем Бања во населбата „Перо Чичо“. Првиот пожар е регистриран во 13 часот, вториот на истата локација во 18.15 часот и во двата пожара пожарникарите реагирале по дојава на локалното население.

Со зголемување на температурите речиси секојдневно гори сува  трева и стрништа на повеќе локации во Куманово, но речиси секојдневно во месноста Багрем Бања.