Последните инспекции потврдија сериозни регуларони прекршувања во доменот на работата на ноќните клубови, објави портпаролката на Владата, Марија Митева. 

- Од вчерашната контрола на 12 објекти со активна важечка лиценца, до овој момент е утврдено е дека три од нив не исполнуваат минимум технички услови за дејноста, а поседуваат активна дозвола. За останатите 9 се уште е во тек проверката на документацијата и во текот на денот ќе бидете информирани - посочи Митева.

Потоа додаде дека за овие објекти ќе биде побарано од Министерството за економија веднаш де се одземат сите дозволи, да биде издадена забрана за дејнсот и да бидат преземени сите потребни мерки согласно закон ќе бидат преземени. Во текот на денот продолжуваат проверките. 

- Направен е план и за проверка на сите објекти кои немале дозволи и кои работеле.

Она што се случи во Кочани не е само изолирана трагедија, тоа е симптом на расипан систем, наследен од долгогодишна корупција. Ниту ќе замижуваме ниту ќе заштитуваме. Сакам да истакнам дека ја разбираме фрустацијата и дека правда ќе има - истакна портпаролката.