Јавниот обвинител на Основното обвинителство во Тетово до раните утрински часови вршеше увид во кафана на улица "Ноември 29" во Тетово, каде што синоќа во 23:50 беше убиено лице откако заедно пиел со својот убиец.

Убиството се случи, додека на масата во објектот седеле пет лица и консумирале алкохол. Во еден момент, убиецот го извадил пиштолот и застрелал еден од луѓето, предизвикувајќи непосредна смрт. По ова дело, групата се впуштила во бегство, но подоцна двајца беа пронајдени од страна на полицијата, додека останатите двајца, вклучувајќи го и убиецот, се предадоа на полицијата

Ова е трето убиство што се случува во рок од неколку дена. Вчера, едно лице беше застрелано во селото Шишово, Сарај, а претходно исто и во селото Похум во Струга, 23-годишен беше усмртен, а таткото на жртвата беше повреден.