Целата држава се сврте кон хигиената во Скопје, на денот кога градоначалникот на Скопје Орце Ѓорѓиевски го доби уверението, а по официјалното завршување на изборниот процес за градот. 

Откако објавија фотографии, денеска премиерот Христијан Мицкоски објави и видео во кое дава на насоки како и каде треба да се чисти. 

„ЕЛЕМ кај Гостивар да не пушта на Вруток и ЕВН на Треска. и ЕЛЕМ да не пушта на Света Петка и Козјак. 12 часа, многу е 24 часа. Ќе падне водостојот тука и ќе влезете ќе исчистите. Кејот треба да се исчисти од мостон Обединети Нации, до мостот Близнак во Аеродром. Тргнете од двете страни, судрете се негде. И тоа треба да се исчисти, да заличи на нешто“, вели Мицкоски. 

На градоначалниците и функционерите кои беа околу него, им кажува што треба да се направи и на плоштадот Македонија. 

„Овде треба нова клупа да се стави, таму треба нова клупа да се стави, гледаш како е искршена. Има многу работа, ама се прави ова, не треба многу време, за месец дена, оваа површина за месец дена ќе светне“, додава тој. 

За да го видите видеото, кликнете тука.