По објавите на повеќе медиуми дека Сашо Мацановски Трендо најверојатно влегува во трка за градоначалник на скопската општина Центар како кандат на опозициската ВМРО-ДПМНЕ, тој за Фактор вели дека тоа не е точно.

-Секои изборни циклуси ме прават кандидат за градоначалник. Но, ниту сме разговарале со партијата, ниту пак ВМРО-ДПМНЕ ме прашале. Јас сум задоволен со тоа што го работам во моментов, така што навистина такво нешто не постои. Дури и се шегував со ваквите информации, напишав не на Центар, туку на Центар Жупа. Aко јас на секои избори можам да бидам ‘изненадување на колото’ и тоа на луѓето да им звучи како нешто ново, тогаш ми е јасно како може бескрајно да се обновуваат ‘надежите од следниот самит на еу’ , вели Трендо за Фактор.

Инаку, според наводите на повеќе медиуми како потенцијален кандидат за оваа позиција се споменува и доктор – специјалист кој високо котира во опозициските партиски редови.