Веќе е извесно дека Македонија нема да ги почне преговорите со Европската Унија поради ветото од Бугарија. 

„Членство на Македонија во ЕУ само со прифаќање на „историската вистина“, вели бугарскиот претседателот Румен Радев. 

Тој им порача на браќата во Македонија, дека членството во Унијата им оди преку признавање на „историската вистина“. Ставот на Софија не е променет. 

„Треба да се почека да се смират емоциите и да се има трпеливост и здрав разум“, вели Радев за бугарската БГНЕС кој уште еднаш ги повтори ставовите дека Северна Македонија треба да влезе во ЕУ, но без говор на омраза. 

Потсетува дека зборувал и за Договорот за добрососедство од 2017 и нагласил дека една година по потпишувањето барал да се потпише анекс, бидејќи немало напредок.

Бугарскиот вицепремиер и министер за одбрана, Красимир Каракачанов ги притиска медиумите да не преведуваат од македонски на бугарски јазик. 

Европската унија го тргна прашањето за проширување од дневниот ред во пресрет на утрешниот состанок на министрите за надворешни работи и лидерскиот самит закажан за крајот на неделава.