Поранешниот собраниски спикер Трајко Вељаноски го оцени како политичко прифатеното обвинение за организација на настаните на фамозниот 27 април со што наскоро ќе треба да стартува и судскиот процес.

„Политичко обвинение за политички цели“, искоментирал актуелниот пратеник во својата СМС-порака која ја испратил до ТВ24.

Со вчерашната одлука, Судот го прифати обвинението во кое нему, на поранешните министри Спиро Ристовски и Миле Јанакиески и на поранешниот директор на УБК, Владимир Атанасовски, ќе им се суди за организација на настаните од 27 април 2017 година во Парламентот. Тој е првиот претседател на Собрание на кого ќе му се суди од независноста на Македонија.

Јанакиески, Ристоски и Атанасовски се во домашен притвор, додека Вељаноски е заштитен со пратеничкиот имунутет. Недостапни се екс-премиерот Никола Груевски и екс-разузнавачот Никола Бошковски.

За „крвавиот четврток“ до сега осудени се 17 лица.