Поранешниот министер за внатрешни работи, Павле Трајанов во Топ тема на Телма вечерва изјави дека контраразузнавањето не собирало сензитивни информации. 

Мора да расправа Владата и мора да реагира на најостар начин, без разлика што Унгарија е членка на ЕУ, и може да ја блокира Македонија, тврди Трајанов. 

„Мора МНР сериозно да бара и да ги проучи овие работи, како дејствувале дипломатите, дали српското разузнавање е вклучено“, вели тој. 

Рече дека службите не може да не знаат дека некој подготвува бегство, а ако не знаеле, мора да има чистки. 

„Можеле службите да разменат информации. Ако нема никаков сигнал од странските служби, дека слободно се шета поранешниот премиер, тоа е симптоматично“, додава Трајанов. 

Вели дека и албанската и црногорската полиција можеле да алармираат дека поминал низ нивните земји Груевски.