Веста која вчера ја потресе јавноста, покрај ужасот со пожарот во модуларната болница, е смртта на лице на 18 години од Гевгелија, кое беше регистрирано и во ковид статистиката на Министерството за здравство, која, пак, вчера јави за 31 смртен случај како последица на компликации од коронавирусот.

Според информации кои ги добиле дел од медиумите, станува збор за 18 годишна девојка, која, наводно, била бремена и имала повеќе хронични заболувања. Здравствените власти изјавиле дека девојката побарала лекарска помош во доцна фаза од развојот на симптомите, односно била хоспитализирана во многу тешка здравствена состојба. Инаку, нејзиното цело семејство било позитивно на Ковид-19, а младата девојка не била вакцинирана.