Mинистерот за внатрешни работи во техничката Влада, Панче Тошковски, даде свое мислење за ненајавената посета на техничкиот премиер Талат Џафери на СВР Тетово.

Вели дека секој може да згреши, но очекувал премиерот да се извини. 

„Да излезе наредниот ден и да каже – луѓе се извинувам ова што го направив е многу голем фаул, навистина не доликува на еден премиер така да се однесува во систем каде има хиерархија, каде под него е вработен во рамки на Министерство за внатрешни работи службеник“, вели во интервју за МИА министерот за внатрешни работи во техничката Влада, Панче Тошковски, за ненајавената посета на техничкиот премиер Талат Џафери на СВР Тетово.

Жално е, како што кажа Тошковски, граѓаните да се сведоци на едно такво девијантно однесување и посочува дека, Џафери требало да се извини. Џафери ги искара вработените во СВР Тетово и кажа дека кој не работи во наведената канцеларија, веднаш да ја напушти.