Mинистерот за внатрешни работи, Панче Тошковски вечерва во Само интервју на Канал 5 изјави дека целта на „Безбеден град“ е спасување на човечки животи. 

Вели дека овој тест период покажа дека граѓаните можат поинаку да се однесуваат. Министерот кажа дека за 20 отсто е намален бројот на пациенти со тешки телесни повреди на клиниките.

„Јас би бил пресреќен кога би спасиле еден човечки живот повеќе. Македонија е катастрофална со статистиките“, рече Тошковски. 

Додаде дека во пробниот период има технички проблеми, но најави дека тие ќе бидат отстранети до 1 февруари 2026 година. 

„Овој систем не врши селекција според име, презиме, статус во општеството“, кажа Тошковски. 

Вели дека целта не е да го полнат буџетот од казни, туку да се зголеми безбедноста во сообраќајот. 

Kaжа дека лицата кои воопшто немаат возачка дозвола, а управуваат возило, ќе се соочат со одземање на возилото. 

фото Фејсбук/Панче Тошковски