Сите со закажани термини од мај до декември ќе бидат повикани порано, МВР треба да произведува 3.300 пасоши дневно, вели министерот за внатрешни работи, Панче Тошковски. 

За да ја зголеми ефикасноста и да одговори на барањата на граѓаните за пасоши, Министерството за внатрешни работи на Македонија, спроведува повеќе промени во процесот на издавање пасоши. Овој потег има за цел да се справи со закажаните термини и да го насочи производството на пасоши за да се исполнат одредените цели – сите граѓани да поседуваат валидни патни исправи, а тие со закажи термини од мај до декмври да бидат повикани до крајот на април.

За да се справи со зголемениот број на закажани термини за пасоши, Министерството планира да ги чисти списоците за закажување на секои три недели. Поединците закажани за крајот на годината сега ќе бидат повикани порано, пренесе Телма.