Поранешниот министер за здравство, Никола Тодоров вечерва беше гостин во вестите на Канал 5 каде зборуваше за паралелниот увоз на лекови.

Тодоров негираше дека на тој начин во Македонија се увезувале фалсификувани лекови и со непроверен квалитет. Сепак, во еден момент се огради и рече дека фалисификувани лекови не се увезувале со негово или нечие знаење, а секој кој се сомневал дека некој лек е фалсификуван треба тоа да го пријави.

„Преку 20 милиони евра се заштедија во Министерството за здравство со воведување на оваа мерка, а тоа е мерка што се применува секаде во Европската Унија“ - вели Тодоров.

Тодоров потенцираше дека со паралелен увоз може да се увезе само лек кој има одобрение за ставање во промет и се наоѓа во употреба во земја членка на ЕУ.