Фаулот на Заев, мотив за грчката страна ратификувањето на трите меморандуми за билатерална соработка да ги „замрзне“, објави денеска То Вима.

Односите на Грција со Северна Македонија се движат повторно на нестабилно тло, бидејќи вербалните и политичките акробации на раководството на соседната земја во однос на чувствителните аспекти на Договорот од Преспа, но и на „десниот“ притисок што го доби грчката влада поради големите внатрешно партиски нерамнотежи, ја вжештија атмосферата.

„Фитилот“ беше запален минатиот понеделник, 21 јуни, со објава на Твитер од Зоран Заев. Гледајќи го во живо натпреварот помеѓу Северна Македонија и Холандија на Евро 2020, премиерот на соседната земја се прогласи за „навивач на македонската фудбалска репрезентација“. Потегот на Заеб и пречеше на Атина, која „виде“ уште едно кршење на Договорот од Преспа. На крајот на краиштата, не поминаа многу денови од полемиката за учеството на репрезентацијата на Северна Македонија на Европското првенство во фудбал со дресови со стариот акроним на националната фудбалска федерација со терминот „Македонија“ и без „Северна“.

Замрзнување на три меморандуми за соработка

По првичната врева, Заев побрза да разјасни дека прашањето за името ќе се реши. Овој пат, Атина реагираше поостро, објавувајќи неофицијално преку медиуми дека е „замрзнато“ ратификувањето на три меморандуми за билатерална соработка во врска со економската соработка, обезбедувањето на знаење за европската перспектива на Северна Македонија и обезбедување на воздушниот простор на балканската земја од грчки борбени авиони. Јасно е, сепак, дека овие меморандуми ја зајакнуваат улогата на Грција во Северна Македонија и одложувањето на ратификацијата веројатно ќе им отвори прозорец на другите потенцијални додворувачи, како што е Турција.

Кој е вистинскиот Заев?

Незадоволството на грчката страна го натера г-дин Заев да се извини. "Јас сум првиот што го почитувам и спроведувам Договорот од Преспа. Но, понекогаш се прават грешки. Јас имам 47 години и нормално е нешто што толку години го повторуваш да ти недостасува во писмена форма ", рече тој можеби не толку убедливо, говорејќи на неодамнешниот економски форум во Скопје. „Вистина е дека имаме македонски играчи, албански или босански играчи. Имаме Македонци како играчи, но репрезентацијата припаѓа на Северна Македонија “, додаде премиерот на Северна Македонија, оценувајќи дека неговото објавување не е причина за одложување на ратификувањето на меморандумите.

Сепак, неколку часа по изјавите за „покајанието“, г-дин Заев даде интервју за ТВ Телма каде откри дека Фудбалската федерација на неговата земја мора да го смени името за да се усогласи со Договорот од Преспа, бидејќи добива финансирање од државата како спортска организација. „Затоа, Уставот и законите на земјата мора да се почитуваат и името да се смени“, рече Заев. Извори од Скопје за „То Вима“ подвлекоа дека Националната фудбалска федерација е „тврда“ на барањата на владата.

Кризата во односите Атина-Скопје се случува истовремено со новото вето на Бугарија на почетокот на преговорите за пристап на Северна Македонија во ЕУ. Заев сега е во уште потешка позиција на домашниот фронт, бидејќи европската перспектива од сонот се оддалечува.