Тинејџер како сопатник загина во сообраќајна несреќа на патот Куманово-Липково, откако возачот на возилото во кое се наоѓал излетал од делницата.

„На 18.06.2024 во 17.20 часот во СВР Куманово било пријавено дека на регионалниот пат  Куманово – Липково, во с.Оризаре, липковско, патничко возило „опел зафира“ со кумановски регистарски ознаки, управувано од Р.А.(21) од с.Никуштак, општина Липково, излетало од коловозот. Во несреќата од здобиените повреди на местото починал сопатникот Р.А.(19) од с.Никуштак, а лекар од Здравствен дом Липково констатирал смрт“, информира МВР.

Возачот Р.А. се здобил со телесни повреди, констатирани во болницата во Куманово. Извршен бил увид од увидна екипа од СВР Куманово.