ТИНЕЈЏЕР (15) ВОЗЕШЕ МОТОР НА ЕДНО ТРКАЛО НИЗ ШТИП: се пофали на Фејсбук, МВР ќе му поднесе пријава
Пронајден малолетник кој возел скутер низ Штип и чие видео како вози на едно тркало се ширеше на социјалните мрежи, објави Министерството за внатрешни работи, од каде истакнуваат дека е „расчистен случајот со опасно управување скутер во Штип“.
- Во врска со видео објава споделена на социјалната мрежа Фејсбук, на која се забележува лице кое управува скутер на едно тркало и со таквото однесување ја загрозува безбедноста во сообраќајот, полициски службеници веднаш презедоа мерки и активности за идентификација на лицето.
По преземените активности, од страна на СВР Штип утврдено е дека на 11.05.2026 година околу 21.00 часот, на раскрсницата помеѓу улиците „Сремски Фронт“ и „Борис Крајгер“ во Штип, Е.Б.(15) од Штип сторил кривично дело по член 297-а од Кривичниот законик, како и сообраќајни прекршоци согласно Законот за безбедност на сообраќајот на патиштата.
Лицето е пронајдено и идентификувано, а против него се преземаат соодветни законски мерки согласно важечките законски прописи - се посочува во објавата на МВР.
Воедно од Министерството апелираат до сите учесници во сообраќајот да се однесуваат совесно и одговорно и да не изведуваат опасни дејствија со кои се загрозува сопствената безбедност, како и безбедноста на останатите учесници во сообраќајот
Фото: Принтскрин/Икс
Слично
Поврзани вести
