Од Алијансата за Албанците ја обвинија градоначалничката на Тетово, Теута Арифи дека вработува блиски. 

Градоначалничката на Тетово Теута Арифи треба да објасни на јавноста и
на министерот за образование Арбер Адеми како ја вработила сестра си и како успеа да ѝ даде позиција на заменик директор во основното училиште „Истикбал“, прашаа на прес-конференција од Алијансата за Албанците.

„Дали министерот е свесен за тоа? Или и за ова министерот Арбер Адеми нема да преземе ниту една акција, како што не презеде било каква акција кога  професорката Арјета Велиу беше малтретирана и избркана од нејзиното работно место без ниту една правна основа од страна на одборот на директори на тоа училиште. Законите важат само за опозицијата, а не за тие на власт“ – велат од Алијансата.

Алијансата за Албанците побара оставка од Адеми, бидејќи како што велат тој е  марионета кој со своите одлуки им носи штета на Албанците и на учениците од целата држава.

Деновиве има обвинувања за непотизам, но роднините на дел од функционерите од СДСМ се повлекоа од работните места кои беа спорни.