Тетовец снимил видео додека уринира врз македонското знаме, по што видеото го објави на социјалните мрежи, бил 16-годишен малолетник, а МВР објави дека е повикан во полициска станица.

Секторот за внатрешни работи Тетово попладнево информира дека целосно го расчистил случајот со сквернавењето на државното знама од страна на момче, кое снимило видео и потоа го објавило на социјалната мрежа „Тик-ток“.

„Во текот на вчерашниот ден (16 март) во Полициската станица Тетово повикан е 16-годишник од тетовско, со кого во присуство на неговиот родител, извршен е службен разговор и по целосното документирање на случајот, за малолетникот ќе биде изготвен соодветен поднесок до ОЈО Тетово по член 319 и 394  од Кривичниот законик“, информираат од секторот на МВР.

Непочитувањето на државните симболи е кривично дело и токму поради тоа корисниците на социјалните мрежи вчера побараа да се пронајде сторителот и да се казни.