Во судар на две возила има шестима повредени, меѓу кои и две мали деца, на возраст од пет и три години. 

Ова е негативниот епилог од сообраќајната несреќа на регионалниот пат Гостивар-Маврови Анови, во близина на Мавровската крстосница, помеѓу две возила.

„Во незгодата со тешки телесни повреди се здобил возачот на едното возило – В.М., а со телесни повреди се здобиле сопатниците од истото возило Л.М.(37) и две деца на возраст од пет и три години, потоа возачот И.Р. и сопатничката од другото возило Р.Р.(43), констатирани во Медицинскиот центар Гостивар“, се вели во билтенот од полицијата.

Извршен бил увид на местото на настанот од увидна екипа од Полициската станица Гостивар.