„ТЕНДЕР ЗА ОЗВУЧУВАЊЕ НА ИЗГОРЕНА УНИВЕРЗАЛНА САЛА?“: Дали Галетановски открива скандал?
Поранешниот директор на ЗОО, и актуелен претседател на Градската организација на СДСМ Скопје, на неговиот фејсбук профил открива дека бил објавен тендер за озвучување на Универзална сала иако таа била изгорена.
„*Тендер за озвучување на изгорена Универзална сала, дали сте нормални?*
Скопјани дишат загаден воздух, нема автобуси, градот тоне во нечистотија, Универзална сала е пеплосана, Зоолошката диши на шкрги.
Ова е секојдневнието на граѓаните на Скопје.
Што прави локалната градска власт советот на градот и градоначалничката на Скопје?
Ништо.
Но, затоа се силно фокусирани на тендери за техничка опрема и за озвучување и осветлување настани во Универзална сала во Скопје. Да да, таква јавна набавка тешка речиси 2,5 милиони денари е објавена денеска и веќе е достапна на Бирото за јавни набавки.
Овде нема здрава логика ниту трошка разум. Имате ли грам жал? Да не правите журка врз маката на скопјани?
Веднаш треба да се стопира оваа тешка глупост и парите на скопјани да се пренаменат за инвертери или за помош за Зоолошката градина Скопје“, напиша тој на фејсбук.
Слично
Поврзани вести
