Најниска температура утрово во Македонија е измерена во Берово, каде се измерени четири степени под нулата. 

Температура под нулата утрово имало и во Струмица минус два, и Демир Капија, Скопје - Петровец и Битола со минус еден. Во другите градови се утринската температура се движела од нула во Виница, Тетово и Гевгелија, еден во Скопје, Крива Паланка, Штип, Лазарополе, Куманово и Прилеп, два во Дебар, три во Охрид, четири во Прето и  Маврово, пет во Пожаране, шест во Ѓуриште, Крушево до седум степени во Тополчани.

Преку ноќта времето беше малку до умерено облачно, а изутринава облачноста се зголеми и времето е умерено до значително облачно. Во некои од повисоките места дува слаб до умерен ветер од западен и северен правец.

Денеска времето ќе биде променливо облачно со сончеви периоди. Попладне  облачноста ќе се зголемува, така што во текот на ноќта ќе има локален дожд, особено во западните и северните делови. Ќе дува слаб до умерен северозападен ветер. Максималната температура ќе се движи од 13 до 19 степени.

Во Скопје времето ќе биде променливо облачно со сончеви периоди. Кон крајот на денот  облачноста ќе се зголеми и во текот на ноќта ќе има врнежи од дожд. Ќе дува слаб до умерен северен ветер. Максималната температура ќе достигне до 16 степени.

Утре наутро ќе има локален слаб дожд, а во текот на денот облачноста ќе се намалува. Ќе дува слаб до умерен северен ветер. Потоа во наредните денови ќе преовладува сончево време со умерена облачност и со температури во рамките на просекот.