Tемата Цар Самоил е завршена, велат бугарските историчари. 

Договорено е негово заедничко чествување, додека пак темата за револуционерот Гоце Делчев се уште не е на дневен ред и за неа ќе се расправа само доколку има време на денешниот ден од состанокот.

Бугарските историчари сметаат дека е постигнат напредок и прогрес во разговорите и работата на мешовитата историска комисија. Оваа информација ја споделија  пред денешниот состанок. 

Копретседавачот од македонска страна во заедничката македонско-бугарска Комисија, Драги Ѓоргиев претходно изјави дека работата се одвива во позитивна атмосфера. Претходно имаше и состаноци на кои воопшто немаше напредок во разговорите.  Комисијата  е формирана во 2018 година, а Договорот за добрососедство и пријателство е потпишан во 2017 година.