Тв Телма објави дека Ели Медика Плус е лабораторијата поврзана со фалсификување на ковид-сертификати за грќки граѓани кои ги користат услугите на казината во Дојран, по сторијата која ја зпаочна грчки медиум.

Полицијата од Гевгелија и Одделот за криминалистичка полиција вчера извршиле претрес во три правни лица поради наводите од грчките медиуми дека во дојранските казина се врши кривично дело фалсификување на Ковид сертификати. Одземена е службена медицинска документација за извршени тестирања за присуство на Ковид-19, направени на лица претежно од странство. Документацијата ќе се предаде на Основното јавно обвинителство Гевгелија за натамошно постапување.

Докторот специјалист Ѓорѓи Јанев во едното правно лице фигурирал како сопственик, а во друго како овластено лице поврзано со Ели Медика Плус, чиј меморандум стои на тестовите.

Во 2020 во јуни лабораторијата била фатена како врши тестирање без лиценца, а потоа истата ја добила.