Таткото на Леонид, Бранко Индов најави дека доколку второстепената комисија донесе иста одлука како претходната, тој ќе бара кривична одговорност од лекарската комисија. 

Одлуката да не се финансира лекувањето во Виена на момчето, доаѓа по даденото мислење од Универзитетската клиника ТОАРУЛИЦ, но и доставената фактура од клиниката во Виена. Ова денеска го кажаа генералните директори на ФЗОМ Магдалена Филиповска Грашковска и Асаф Абдурамани. Тие објаснуваат дека во конкретниот случај било наведено дека е потребна медицинска рехабилитација, за што велат дека согласно правилникот не е предвидено финансирање.  Заменик министерката Маја Манолева рече дека дека првично треба да се исцрпат домашните ресурси, па доколку нема тогаш да се бара рехабилитација и лекување во странство.